Inaugurachon de l’ILS, Enstitu de la lengua de Savoué : le francoprovençal de Savoué. Dessande 31 de mâr 2007 en Âbère d’Avô/Habèle-Lullin.

De lèvre su la lengua de la Savoué, y en a ouèra de parto. Et quan on en vu yon, fô cori sévre lévre poué on è pâ seur de trovâ cen qu’on vu.
Cen fâ que nos en décidâ de fâre on Enstitu pè nutra lengua. Na plafe yô on poure trovâ to lou lèvre dien nutra lengua. Yô on pu vni lière et emprontâ. Mé l’Enstitu, y è pâ ren que cen. Pasque quan quâque-ren ne sarvè pâ mé, on le bete dien on musée. Cen que rentre dien l’Enstitu dè povè en ressourti. Y è pè cen que l’Institu vâ fâre de lèvre, de disque… El a zha cmencha avoué lé shanfon de Zhosè Biâr de Rmèlyi. Le lèvre ven de sourti st’utiuan. Et poué, l’Enstitu pu répandre a celeu que demanderan de traducchon en lengua de Savoué.

L’Enstitu z-è onco petiolè, mé ceti cou, y è modâ. Vo no fari gran plaisi se vo povia vni a sn inaugurachon le dessande 31 de mâr 2007.

Programe – (sâlla deu Foyer Rural) :
• 14 heure 15: le câfé;
• 14 heure 30: Assemblâ Zhénérala de l’ILS;
• 16 heure 30: présentachon deu lèvre de Zhosè Biâr, Médecin dé pouvre, poéto et fanfiourni de Savoué, inaugurachon de l’Institu et son verre a bère (Maison de la cmouna d’Âbère d’Avô);
• 19 heure: Théâtro en lengua de Savoué pè lous enfan de l’écula d’Âbère d’Avô et deu collèzhe de Boèzhe Sâlla polyvalenta d’Âbère d’Amo;

🖊 Marc BRON